رواية لهيب الروح بقلم هدير دودو
المحتويات
يا فاروق مش الصح إنك تحرم ابنك كل المدة دي مش صح وتجوزها لابن عمه وأنت عارف إنه بيحبها ده مش الصح وجاي بعد ما اتجوزها وشاف حياته وسعادته مش عاجبك لا وكمان مخبي عليا كل اللي عملته.
التقطت أنفاسها بصعداء ولأول مرة تعارضه بشدة ولم تستمع إلى حديثه وتصمت كما تفعل دوما بل وقف أمام براثنه الغاضبة وتسائلت بتهكم وغيظ
تغيرت ملامح وجهه فجأة بطريقة زرعت الشك داخلها وأجابها بحدة صارمة محاولا انهاء حديثه معها الذي سيأخذ منحنى آخر لم يعجبه
آه أنتي عشان جوزتيه وعملتي اللي عاوزاه فايقة بقى وبتتكلمي كلام ملوش لازمة لأ ياجليلة اتعدلي في كلامك وبلاش تخليني اټخانق معاكي أنا ولا مخبي ولا أي حاجة من كلامك ده وسايبالك الأوضة باللي فيها.
بحديثه بالطبع لكنها أيضا لا تعلم ماذا ستفعل لم تجد حل أمامها سوى الصمت مثلما تفعل دوما ستصمت مدعية عدم فهمها لمغزى حديثه بقلب حزين على أفعاله معها ومع جواد ولدهما لا تعلم لما يقف أمام سعادته بالمرصاد وكيف يفعل ذلك به
منذ أن علمت أنه يعلم بحبه لرنيم وأبعدها عنه عن عمد تشعر بحزن عارم مستنكرة فعلته التي لم تعلم تفسيرها! هل حقا يوجد أب يمنع سعادة ابنه لم ترى ذلك من قبل دوما تجد الأباء تفعل المستحيل لتحقيق أمنيات أولادهم وهو يفعل العكس معه.
الجميل بتاعنا عامل إيه قاعدة في اوضتك وسايباني لوحدي ينفع كدة يا أروى.
بكت باصطناع لتثير عاطفتها متمتمة بحزن من بين دموعها الزائفة
هو أنا ليا نفس أعمل حاجة بعد اللي أخوكي عمله يا سما مش قادرة أصدق أنه اتجوز واحدة غيري.
بقى فالآخر يسيب أروى هانم الهواري ويبص لواحدة متسواش حاجة زي دي دي أقل من خدامة عندي.
لم تتعجب سما بحديثها الملئ بالغرور وحديثها عن رنيم بتلك الطريقة المقللة منها فهي الآن أصبحت زوجة شقيقها لكنها حاولت أن تتحدث معها بهدوء حتى لا ټجرح مشاعرها
معلش يا أروى ياحبيبتي إن شاء الله ربنا شايلك الأحسن متزعليش نفسك وجواد قال والله كتير أنه بيعتبرك زيي بس مش مهم كل ده المهم أنك متزعليش وكفاية عياط عشان خاطري.
طب واشمعنى رنيم بالذات اشمعنى دي هو بيغيظني عشان خناقتي معاها يعني.
أخبرتها الحقيقة بهدوء غير واعية لما سيحدث في عقل تلك الكارهة لسعادة أي شخص آخر غيرها تود أن تحصل على السعادة يأكملها لكن الحظ لم يحالفها تلك المرة
لا يابنتي بيغيظك ايه يا أروى جواد مش كده والله هو بس الحكاية كلها أنه حبها وشاف أنه مش هينفع يكمل حياته مع واحدة غيرها لكن عمره ما هيعمل كدة عشان يغيظك وكمان رنيم طيبة والله أنتي بس فاهمة غلط.
رمقتها بحدة بعد استماعها لحديثها وتصريحها بحب جواد ل رنيم الذي يعلمه الجميع كما يعلمون تحديه لوالده ومغامرته بكل شيء من أجل إتمام زواجه منها كما يقال هو فعل المستحيل لأجلها فعل مايثبت للجميع أنه يحبها بل يعشقها أيضا لكن استماعها لحديث سما جعلها تستشاط ڠضبا
ايه ياسما هي خلاص عشان بقت مرات أخوكي وصاحبتك بقت طيبة وخلاص أنا مش مهم عندك هي بقت كدة ماشي اشبعي بيها.
حاولت الدفاع عن ذاتها بتوتر معترضة لتخبرها عن عدم صحة حديثها
ل... لأ والله يا أروى مش كدة أنتي عارفة أنا بحبك قد ايه والله أنا بس بتكلم معاكي عادي ومعلش لو زعلتي أنا مكنتش أقصد.
صاحت بها بحدة غاضبة شاعرة بنيران مشټعلة داخل عقلها من ضراوة الڠضب المتواجد به
بقولك ايه ياسما ابعدي عني دلوقتي أنتي خلاص سيبتيني عشان ست رنيم اطلعي برة بقى وسيبيني.
طالعتها بذهول متعجبة لوقاحتها معه متمتمة بهدوء حاد
بصي أنا مغلطتش فيكي ولا قولت حاجة تزعلك وأنتي عارفة أنا بحبك قد ايه وبعتبرك أختي من زمان
متابعة القراءة
