متي تخضعين لقلبي الفصل الرابع والعشرون

المسكنه 
ده ابن عمى يا حياة .. عايز يدرب هنا عشان الشهاده تساعده فى الشغل بس فريد مش راضى انك تدربيه مع انه كله لله ..
هدر فريد بنجوى محذرا للمره الاخيره 
نجووووى !!! قلتلك حياة لا احسنلك .. 
اندفعت حياة تقاطعه وقد قررت اثاره حنقه كما يفعل معها فى الايام الماضيه 
انا معنديش مشكله أساعده مادام هو عايز يتعلم يسألنى فى اى حاجه وانا ان شاء الله هكون معاه ..
تحرك فريد من خلف مكتبه حتى وقف امامها ينظر نحوها پغضب شديد لم يخفى عن نجوى ولا عنها والذى جعلها تتراجع للخلف خطوتين تحدث موجها حديثه لنجوى وهو لازال ينظر نحو حياة من علياءه 
نجوى .. اطلعى بره ..
فتحت نجوى فمها للاعتراض ولكن فريد لم يمهلها وقت للاعتراض فقد عاد جملته بلهجه اقوى 
قلت اطلعى بره ..
هزت نجوى رأسها موافقه قبل تحركها نحو الخارج مسرعه وبمجرد اغلاقها لباب مكتبه خلفها أردف هو يقول بنبره عصبيه 
هو اللى انا بقوله مبيتسمعش ليه !!!.. انا مش قلت انتى لا !..
سألته بنبره بارده لم يتوقع صدورها منها فى ذلك الوقت تحديدا ولم يعلم انها كانت تفعل ذلك فقط لاستفزازه 
مانا مش فاهمه السبب عشان أوافق على كلامك !!..
هدر بها بعصبيه شديده جعلتها ترتجف داخليا رغم ثباتها الهش قائلا بحزم 
من غير اسباب ومن غير شرح واللى قلته هيتنفذ بالحرف الواحد ..
رفعت حياة رأسها بتحدى وهى تعقد ذراعيها امام قفصها الصدرى كعادتها والتى يحفظها عن ظهر قلب لتقول بأصرار غريب لا يتناسب من صغر حجمها 
طب تمام ومادام من غير اسباب انا هساعده لحد ما تقرر انى انسانه المفروض تتناقش معاها وان من حقها تعرف أسبابك ..
فى ذلك الوقت ركضت نجوى فى اتجاه غرفتها تبحث بعينيها عن ابن عمها اندفعت فى اتجاه تسحبه من فوق ذلك المقعد الوثير والذى كان يجلس بأريحية شديده قائله من بين انفاسها اللاهثه 
قوم تعالى معايا بسرعه ..
سألها سفيان ببرود شديد وهى تسحبه خلفها فى اتجاه غرفه فريد مره اخرى 
ايه فى ايه مالك !..
اجابته نجوى بنزق شديد 
تعالى متضيعش وقت هى دلوقتى فى اوضته احسن حاجه انك تقابلها اول مره قدامه ..
تأفف سفيان بملل شديد وقد بدء يضيق ذرعا من تحكمات ابنه عمه الغريبه خاصة وهى تجره خلفها مثل الذبيحه غير عابئه بمظهره امام موظفى الشركه وخاصة الإناث منهم .
هتف فريد بها محذرا وهو يضغط فوق اسنانه بقوه حتى بدء عرقه فى الظهور 
حيااااااااة ..
اندفعت حياة تقاطعه متسائله پغضب شديد وقد فقدت السيطره على لجام لسانها 
ايه حياة !!.. فهمنى كده بالظبط المفروض حياة تعمل ايه !!!.. حضرتك بقالك ١٠ ايام متجاهلنى تماما كأنى فراغ قدامك .. ودلوقتى لما حصلت حاجه مش على هواك افتكرت تتعطف عليا وتوجهلى كلام !! وياريته كلام ده أمر !! وقصاد مين !!! تقدر تقولى كان رد فعلك ايه على الكلام اللى قلتهولك !! اقولك انا رد فعلك الوحيد انك مش هاين عليك حتى توجهلى كلام فى الوقت اللى الست هانم بتاعتك قاعده فى مكتبك عادى جدا !! متقولش حياة بقى لان حياة مش هتعمل غير اللى هى عايزاه مادام انت تخليت عنى وزهقت منى !!..
انهت حديثها وصدرها يعلو ويهبط من اثر الانفعال وبدءت عيونها تلمع بالدموع اما عنه هو فقد صدم من رد فعلها وظل ينظر نحوها دون تعقيب تلك الحمقاء التى يريد ضمھا