عشق ادم
المحتويات
اختها رجاء و فرحتها بحمل رنا
و عدة مواضيع أخرى لم يفهم منها آدم شيئا لان
جل تركيزه كان مسلطا على ياسمين التي تعمدت التصرف بلامبالاة و كأنه غير موجود...
توجه الجميع الي الصالون لشرب الشاي بعد الطعام الدسم الذي تفننت سلوى في تحضيره..
رامي و هو يستلقي على الاريكة انا حاسس اني مش حاكل سنة قدام...تسلم إيدك يا ست الكل....
ياسمين كمان أكلها حلو اوي طالعالك.
سلوى بفخرطبعا...انا علمت ياسمين الطبيخ زي ما ماما علمتني الله يرحمها...تقدر تقول بالوراثة..
ياسمين بتردد و هي تقاطع حوارهما ماما.. انا كنت عاوزة اقلك على موضوع كدة... بما ان آدم جا النهاردة .
سلوى موضوع إيه .
آدم باندفاع ياسمين كانت عاوزة تقلك انها عاوزاكوا تنقلوا تعيشوا في الفيلا بتاعتها عشان مظطر أسافر أمريكا مدة طويلة وهي مش حتقدر تروح معايا.
انتقال فيلا سفر..
سلوي بدهشة فيلا ايه ياابني و بعدين انت ازاي حتسافر و حتسيب مراتك فترة طويلة
آدم و هو ينظر إلى ياسمين متقلقيش احنا اتكلمنا في الموضوع داه و هي اللي فضلت انها تبقى هنا معاكم عشان كده انا اشتريت فيلا جديدة و سجلتها باسم ياسمين.. يعني انتوا حتنتقلوا لمكان ملككم..
لوحدها بس... الظروف هي اللي حكمت بكده.
ياسمين بحدة آدم ممكن اتكلم معاك لوحدنا...انا في اوضتي
أسرعت ياسمين الى غرفتها و هي تشعر پغضب عارم
يسيطر عليها..
جلست بقلق و هي تنتظر مجيئة تشعر بالحيرة بالقلق.. لا تعلم ماذا تريد.. تكرهه و تحبه في نفس الوقت غاضبة منه بشدة و لكنها تريد الارتماء بين أحضانه... اشتاقت له و لصوته و لرائحته المميزة بينما لا تريد رؤيته أمامها...
لحظات و دخل آدم الغرفة أغلق الباب ورائه بهدوء ثم استند عليه بينما لا تزال هي جالسة على طرف السرير الصغير
ياسمين ممكن تفهمني ايه حكاية الفيلا و السفر اللي انت طلعتلي بيها... هو احنا مش اتفقنا على الطلاق و انت كنت قايل للدكتور زاهر انك حتنفذ كل اللي انا عاوزاه.. ايه رجعت في كلامك دلوقتي...
ما تطلقني.
آدم بهدوء انا قلتلك قبل كده الف مرة مفيش طلاق حيحصل بينا نهائي..
ياسمين پغضب يعني إيه.. كنت بتكذب انت فاكرني ممكن ارجعلك بعد اللي انت عملته فيا...
انسى نجوم السماء اقربلك.. ياسمين الهبلة الطيبة
اللي بتنسى و تسامح خلاص ماټت و انت اللي موتتها بإيدك... لما ذبحتها من غير رحمة و لاشفقة
انا خلاص كرهتك و مش طايقة اشوف وشك
آدم بصوت مټألم انا حسافر أمريكا و حقعد هناك فترة طويلة تكوني انت هديتي و نسيتي اللي حصل
ياسمين مقاطعة انت ما بتفهمش قلتلك اللي بينا انتهى خلاص احنا معادش في بينا اي حاجة تربطنا ببعض...
صمتت عندما رأته يقترب منهاانحني ليجلس على ركبتيه أمامها ثم أخرج علبة صغيرة وردية اللون
ووضعها على ساقيها
فتحها لتظهر لها عدة شرائط و أربطة أنيقة مخصصة للأطفال..
همس آدم و هو ينظر إلى العلبة بابتسامة حالمة
دي لبنتنا...انا كنت عاوز تجيبيلي بنوتة حلوة
و تكون حنونة و
متابعة القراءة
