لست ممتلكاتك الفصل الخامس

علشان جوزك مش معاكى ومفرحتيش بجوازك زى اى بنت وبعدها بنص ساعه الاقيكى بتضحكى انتى بتعملى فى نفسك كده ليه انا مبقتش عارف انتى زعلانه ولافرحانه كل اللى اعرفه ان اختى بتضيع منى علشان خاطرى يا اسيا ارجعى زى زمان انتى بتحبيه كلميه هو نفسه يكلمك نفسه يسمع صوتك 
اسيا بصړاخ..كفايه محدش حاسس بيا انا فعلا كنت بعيط فى الفرح لان انا كمان كان نفسي اعيش مع اللى بحبه بس هو كسرنى باللى عمله كان بيعمل اى حاجه تبعدنى عنه كان بيعامل الكل كويس الا انا دايما بيزعقلى ده حملنى مسؤليه اللى حصله هو ووالدته انا صحيح حبيته وحبيته قوى كمان بس اللى كسرنى انا كمان هكسره يا اسر وعمرى مهسامحه 
اسر.. انا عارف ان مالك غلط بس اى حد مكانه بعد ما كان بيخلى باله من مراته واخته وشغله بقى عايز اللى يخلى باله منه عايزاه يحس بايه او يتعامل ازاى اكيد هيبقى مش طايق حد قدامه مالك بيحبك اوى يا اسيا 
رنا..اه يا اسيا بيحبك قوى وهو عمل كل ده علشان تسبيه ومتعشيش حياتك كلها مع واحد عاجز 
اسيا..والله بيحبنى امال لو مبيحبنيش كان عمل ايه اخوكى قرر ونفذ عمل كل حاجه من غير ما ياخد رايي ليه عايز يقرر مصيرى هو ليه مسبنيش اختار انا كنت موافقه انى اعيش معاه لاخر العمر حتى لو هيفضل عاجز بس ازاى هو حكم وانا اللى هنفذ اما يرجع انا هخليه يطلقنى وهسيبه واتجوز واحد تانى زى ماهو عايز
رنا..انتى ممكن تعمليها يا اسيا 
اسيا..اخوكى اللى عايز وانا واجبى بقى انفذله اللى هو عايزه 
صعدت اسيا الى غرفتها وجلست على سريرها تبكى 
جلس اسر وبكى على اخته
رنا..انت بټعيط يا اسر 
اسر بدموع ..انا اكتر واحد ممكن احس باسيا اختى كل اللى قالته كانت بتتقطع وهيا بتقوله وهيا ممكن تنفذ اللى هيا قالته لانها عايزه توجع مالك زى ما ۏجعها
انتهى الزفاف وصعد كل عروسين الى غرفتهم فى الفندق بعد ان ودعوا اهلهم 
فى غرفه ملك واياد
اياد..يااااه انا مش مصدق لغايه دلوقتى انك بقيتى مراتى يا ملك
ملك بابتسامه للدرجه دى بتحبنى يا اياد
اياد..بحبك بس الحب كلمه قليله اوى على اللى انا حاسه ناحيتك 
ملك..طيب يالا نصلى ركعتين يا حبيبي 
اياد..قلتى ايه 
ملك..يالا نصلى ركعتين
اياد..لا اللى بعدها
ملك..اياااااااد بطل دلع ويالا نصلي 
اياد..يالا يا اخرة صبرى 
صلى اياد بملك وامسك يدها وقبلها بحب ..بحبك يا اغلى حاجه فى حياتى 
ونسيبهم بقى ونروح عند البت منه والواد فارس
فى غرفه منه وفارس 
منه..انا اسفه يا فارس انا كنت مفكرة انك اتجوزتنى علشان كلام الناس علشان كده كنت دبش معاك
فارس..احلى دبش والله يا مجنونه انا بحبك انتى مفكرة انى ممكن اضايق منك انتى اغلى حاجه فى حياتى يا منه يالا بقى نصلى ركعتين 
صلى فارس بمنه ثم اجلسها على السرير وجلس بجانبها 
منه..انت اجمل حاجه ربنا رزقنى بيها 
فارس ..عارف يا منه مش محتاجه تقولى حاجه يا حبيبتى
منه..على فكرة انت مغرور اوى بس اوعى تتنفخ زياده عن اللزوم لتفرقع
فارس..افرقع..لا متقلقيش يا قلبى واقترب منها 
منه وهى تتراجع الى الوراء فارس بتقرب كده ليه 
فارس..ولا حاجه يا قلبى اصلى اكتشفت انك حلوة اوى وانتى قريبه
نسيبهم بقى ملناش فيه
فى غرفه اسر فى الفيلا كان اسر يتحدث فى الهاتف
اسر..انت عامل ايه يا مالك
مالك..مال صوتك يا اسر اسيا ورنا كويسين
اسر..رنا كويسه انما اسيا لا
مالك بلهفه..اسيا مالها فيها ايه انطق يا اسر 
اسر..مش عارف يا مالك من يوم ما سافرت وهيا اتبدلت كانها واحده تانيه مش اسيا القويه اللى اعرفها 
مالك..ايه اللى حصل يا اسر 
قص له اسر الحوار الذى دار بينه وبين اسيا منذ قليل
اغمض مالك عينيه بالم ..هرجعها زى ما كانت يا اسر الدكاترة طمنونى ان العمليه التانيه مضمونه وانى ان شاء الله هقدر امشي تانى على رجلى 
اسر.. يارب يا مالك ترجع زى الاول بس المشوار علشان ترجع اسيا هيبقى صعب اوى
مالك..عارف ومستعد لاى حاجه سلام يا اسر
مر شهر على سفر مالك اسيا اصبحت جسد بلا روح تظهر قويه صلبه لا يكسرها شيء امامهم اما عندما تكون بمفردها تظهر على حقيقتها بعد سفر مالك تقضى ليلها وهى تبكى حتى يغلبها النوم
اما مالك تم اجراء العمليه الثانيه ونجحت وهو يمارس العلاج الطبيعى وفى طريقه للشفاء انتهى الفصل الدراسي الاول واتت اجازه نصف العام الدراسي 
ملك واياد يعيشون اجمل ايام حياتهم ومنه وفارس كذلك اما رنا واسر قوى الحب بينهم ولكنهم لا يشعرون بالسعاده طالما مالك واسيا لم يتذوقوا للسعاده طعم حتى الان
بعد شهر اخر 
نجح العلاج الطبيعى مع مالك وعاد كما كان يسير على قدميه عرف رنا واسر بالامر ولكن لم يرغب ان تعرف اسيا يريد ان يري تعابير وجهها وهى تراه واقف على قدميه مرة اخرى
يوم رجوع مالك من السفر
اسر..اقعدى فى مكان بقى خيلتينى يا رنا
رنا..اسيا فين مشفتهاش من الصبح 
اسر..خرجت مع منه وملك وبعدين اهدى شويه مينفعش كده لو كان اخوكى وافق اجيبه من المطار كان احسنلى بدل ما انتى موترانى كده
رنا..مالك على وصول دلوقتى واسيا قالت يوم ما يرجع من السفر هتختفى من حياته
اسر..ان شاء الله مش هيحصل حاجه ومالك مش هيسمحلها بده
رنا..ربنا يستر
وصل مالك الى الفيلا
مالك..وحشتينى يا رنا
جريت رنا عليه واحتضنته
رنا..حمد الله على سلامتك يا حبيبي اخيرا شفتك ماشي على رجليك تانى يا مالك
مالك..الحمد لله امال اسيا فين
فى هذه اللحظه وصلت اسيا ورات مالك واقف على قدميه فرحت من اجله ولكنها حزينه لانها ستخرج من حياته الى الابد
اسيا..انا اهو يا دكتور حمد الله على السلامه مبروك نجاح العمليه 
مالك..الله يبارك فيكى وحشتينى اوى يا اسيا 
اسيا..عن اذنك وصعدت الى غرفتها 
جاء مالك ليصعد وراءها ولكن اسر منعه
اسر..سيبها شويه لوحدها 
بعد قليل نزلت اسيا وهى تحمل حقيبه ملابسها صدم مالك منها وعرف انها تنفذ اتفاقها 
اسر...انتى رايحه فين يا اسيا
اسيا..بنفذ اتفاقي مع الدكتور وانت عارفنى يا توامى مبرجعش فى اى اتفاق عملته
مالك..متسبينيش يا اسيا انا بحبك واتغيرت علشانك
اسيا .اتاخرت اوى يا دكتور وهمت لترحل ولكن يد مالك منعتها
اسيا..سيب ايدى لو سمحت
مالك..انتى مش هتمشي من هنا الا على جثتى
اسر..ايوه كده اوعى تسيبها 
اسيا..انت عايز منى بالظبط من شهرين كنت بتتمنى اسيبك ودلوقتى مش عايزنى امشى
مالك..كنت غبى علشان وصلتك لكده بس انا كنت فاقد الامل انى ارجع امشي على رجلى تانى علشان كده كنت عايزك تسيبينى ومتضيعيش عمرك جنب واحد عاجز
اسيا..انت قررت عنى مكنش حقك انك تقرر انا المفروض اعيش حياتى ازاى ومع مين علشان كده يا ريت تطلقنى فى هدوء بدل ما الموضوع يوصل للمحاكم
مالك..انتى اللى اضطرتينى لكده يا سوسو وحملها على كتفه وصعد بها الى غرفتهم وادخلها واغلق الباب بالمفتاح
اسيا..انت مچنون هات المفتاح ايه اللى انت بتعمله ده مالك..بعمل ايه يعنى مراتى ومش عايزها تسيب البيت
اسيا..بس ده كان اتفاقنا انك يوم ما ترجع انا اطلع من حياتك وانت وافقت معترض ليه بقى
مالك..رجعت فى كلامى وانتى مش هتسيبى الفيلا عندك مانع 
اسيا حاولت ان تتحكم فى اعصابها حتى تتوصل الى حل معه
اسيا..انت عايز
ايه دلوقتى 
مالك ..ننسي اللى فات ونعيش حياتنا بقى انا بحبك يا اسيا وعارف انك كمان بتحبينى يبقى ليه نضيع حياتنا على حاجه ممكن نتجاوزها 
اسيا بسخريه..نتجاوزها اه عندك حق انا ليه مكبره الموضوع كده دى حاجه تافهه اوى ليه نضيع حياتنا
مالك كان يعلم انها على وشك الانفجار وهو كان يريد ذلك حتى تهدا بعدها
مالك..فعلا معاكى حق تعالى نفتح صفحه جديده يا حبيبتى وننسي اللى فات 
اسيا بصړاخ ..انت ايه يا بنى ادم مبتحسش بعد اللى عملته فيا جاى تقولى نبدا صفحه جديده ليه هو انت دست على رجلى مثلا ده انت كسرتنى وذلتنى انا عمرى ما اتحملت اهانه حد ومع ذلك اتحملت كل اھانتك ليا لان انا كنت مقدرة الظروف اللى بتمر بيها 
مالك..اهدى يا اسيا 
اسيا بصړاخ ..متقوليش اهدى انت حكمت ونفذت انت عايز تقرر مصيري وتمشي حياتى زى ما انت عايز مقلتش اسيب الغبيه اللى انا متجوزها هى تقرر حياتها وتشوف اذا كانت عايزه تعيش معاك ولا مع غيرك بس اذا كنت عايز كده انا موافقه طلقنى وانا هتجوز اول واحد عايز يتجوزنى يا دكتور
عند هذا الكلام لم يقدر ان يظل مالك صامتا
مالك بصوت عالى وغاضب ..اخرسي يا اسيا متكمليش لو جبتى السيرة دى تانى متعرفيش ممكن اعمل فيكى ايه
اسيا لم تتمالك نفسها وقدفت مزهريه الى المراة وبدات فى تكسير الغرفه تركها مالك تكسر فيها لعلها تهدا ولكنها لم تهدا بل كانت على وشك الاڼهيار واذيه نفسها 
امسكها مالك حتى لا تؤذى نفسها وكتفها بيديه 
اسيا وهى على نفس الحاله من الڠضب ..سيبنى 
مالك..لا مش هسيبك مش هقدر اشوفك بتنهارى قدامى واقف ساكت 
اسيا ..قلتلك سيبنى
قام مالك باحتضانها حتى تهدا ولكنها ظلت تضربه بيديها على ظهره حتى يتركها ولكنه كان كالجبل لا يتزحزح من مكانه حتى بدات اسيا تهدا ونامت من شده تعبها 
حملها مالك وخرج من الغرفه الى غرفه اخرى 
مالك..رنا بكرة الصبح خلى حد ينضف الاوضه اللى اتكسرت دى وانا واسيا هنام فى اوضه تانيه
اسر..هى اغمى عليها ولا ايه اختى مالها
مالك متخفش هيا كويسه ونامت بعد ما طلعت اللى جواها ناحيتى
ادخلها مالك غرفه اخرى ووضعها على السرير واستلقى بجانبها 
مالك..اوعدك يا اسيا انى هصلح كل حاجه وهنسيكى اللى فات بس انا عارف ان المشوار صعب اوى ونام وهو يحتضنها
فى الصباح
استيقظت اسيا ووجدت مالك بجانبها وهو يحتضنها 
حاولت اسيا ان تبعد يده عنها ولكنه استيقظ 
مالك..صباح الخير
اسيا..ايه اللى نيمك جنبى 
مالك..ده بس اللى فاكراه ده انتى نمتى وانتى فى حضنى وبعدين شيلتك وجبتك هنا مهو مكنش ينفع ننام فى الاوضه بعد اللى حصل فيها 
قامت اسيا من على السرير وتوجهت الى الحمام
استغرب مالك هدوءها كان يتوقع ان تثور عليه فى الصباح لانه نام بجوارها ولكنها فاجاته برده فعلها
مالك..متبقيش بنت الشريف لو مخلفتيش توقعاتى الصبر من عندك يا رب
بعد قليل خرجت اسيا وتوجهت الى دولاب الغرفه واخذت ملابس لها ودلفت الى الحمام مره اخرى
بعد قليل خرجت من الحمام وهمت لتخرج من الغرفه استوقفها صوت مالك
مالك..انتى مش قاعده فى الاوضه التانيه ليه
اسيا ببرود..مكنتش عايزه اى حاجه تفكرنى بيك 
استنونى البارت الجاى ورايكم يهمنى
البارت التاسع
مالك..انتى مش قاعده فى الاوضه التانيه ليه
اسيا ببرود..مكنتش عايزه حاجه تفكرنى بيك وتركته ونزلت الى الاسفل
رنا..اذيك يا اسيا عامله ايه دلوقتى يا حبيبتى 
اسيا..الحمد لله يا رنا انا كويسه
نزل مالك هو الاخر وجلس معهم لتناول الافطار
وكانت اسيا تتناول افطارها بهدوء ولا تعيره اى اهتمام
اسر..مالك انا عايز اتجوز بقي
رنا..عايز تتجوز عليا يا اسر وامبارح بس بتقولى بحبك
اسر..اسكتى يا رنا الله يكرمك انتى حافظه مش فاهمه ها يا مالك قلت ايه
مالك..لا 
اسر..نعم يا اخويا لا ايه 
مالك..تعالى المكتب بعد الفطار وانا اقولك
اسيا..عن اذنكم 
مالك..رايحه فين يا اسيا
اسيا ببرود..مش شغلك وتركته وذهبت حاول مالك اللحاق بها ولكن اسر منعه
اسر..سيبها دلوقتى دى بقت اعند من الاول 
مالك..انا مش عارف اعمل معاها ايه
اسر..سيبلها وقت يا مالك وهيا ان شاء الله تسامحك 
مالك..اسيبلها وقت انت بتكلمنى عن اختك ولا عن حد تانى اختك لو سبتلها وقت ولا هتعبرنى لازم ازن فوق دماغها علشان ترضي تسامحنى دا اذا رضيت اصلا
اسر..انت هتقولى انا عارف بص بقى عايز اعمل فرحى انا ورنا
مالك..بص يا حبيبى لو اختك سامحتنى هعمل فرحك انت ورنا اما لو فضلت كده وصممت على الطلاق فانسي رنا احنا يا نعيش عيشه فل يا ڼموت احنا الكل
اسر..وانا اعمل ايه اختى دماغها انشف من الحديد
مالك..والحديد لما تزودله الحرارة بيلين 
اسر ..قصدك ايه
مالك..ساعدنى اخليها تسامحنى باى طريقه