لست ممتلكاتك الفصل الخامس
المحتويات
لم تتوقع ان يلقى عليها اللوم فيما حدث له ولوالدته
اسيا..انا موافقه يا مالك انى اسيبك بس عندى شرط
حزن مالك مما سمعه منها ولكن استغرب لانها تفرض شروطها
مالك باستغراب ..شرط ايه
اسيا..تسافر تعمل العمليه
مالك..نعم انتى بتقولى ايه الشرط ده
اسيا..تسافر تعمل العمليه ويوم ما ترجع من السفر انا هطلع من حياتك سواء مشيت عل رجليك تانى ولا لا
اسيا..لو ممشتش تانى على رجلك يبقى قدر الله وما شاء فعل اما لو رجعت تمشي على رجلك تانى هبقى مبسوطه لان الانسان الوحيد اللى حبيته مشي تانى على رجليه ورجع يمارس حياته الطبيعيه مرة تانيه موافق ولا لا
مالك..موافق يا اسيا بس اوعى تدى امل انى هرجع امشي تانى على رجلى لان انا هرجع تانى زى ما رحت على كرسي بعجل لان العمليات دى نسبه نجاحها قليل اوى
مالك..ماشي يا اسيا وانا هبدا انفذ الاجراءات علشان السفر
اسيا..اتفقنا
اتصل مالك بمدير مكتبه مجدى
مالك..ايوه يا مجدى ركز فى اللى هقولهولك كويس
مجدى ..اتفضل يا مالك بيه وانا سامعك
مجدى..حاضر يا مالك بيه انا هروح دلوقتى
فى الاسفل
قصت اسيا لرنا الحوار الذى دار بينها وبين مالك وما اتفقوا عليه
رنا..انتى مجنونه ليه عملتى كده كان فى طرق تانيه ممكن نقنعه بيها انه يعمل العمليه
رنا..انتى ممكن تسيبيه بجد لو مشي على رجليه تانى
اسيا..ايوه يا رنا
رنا..ازاى يا اسيا انتى بتحبيه
اسيا..الحب اللى يذلنى انا مش عايزاه وانا دوست على كرامتى بما فيه الكفايه مش مستعده ادوس عليها تانى
جاءت الخادمه الى رنا واعلمتها ان مالك يريد رؤيتها فى غرفته
رنا..ماشي يا اسيا
صعدت رنا الى مالك
رنا..خير يا مالك عايزنى فى ايه
مالك..فكرتى كويس فى الموضوع اللى قلتهولك
رنا..موضوع ايه
مالك..اسر يا رنا
رنا..معلش الاحداث اللى بتحصل الفترة دى خلتنى مش مركزه
مالك..يعنى رايك ايه
رنا بخجل واخفضت راسها الى الاسفل ..اللى تشوفه يا مالك اعمل الصح وانا معاك فيه
لم ترد عليه رنا واحمرت خجلا
مالك..خلاص يا رنا انا هحدد معاه ميعاد كتب الكتاب علشان اكتب كتابكم قبل ما اسافر
فى غرفه اسيا كانت تتحدث مع اسر فى الهاتف
اسيا..يعن انت طلبت رنا للجواز من يومين ولسه فاكر تقولى دلوقتى مكنش العشم يا توامى
اسر..والله انشغلت بالدراسه وشغل مالك مش فاضي خالص والله طيب استنى هو بيكلمنى دلوقتى استنى هشوفه عايز ايه وارد عليكى
اسيا..طيب شوفه وانا هستنى تليفون منك
رد اسر على مالك
اسر..الو اذيك يا مالك عامل ايه
مالك..الحمد لله يااسر بص يا سيدى رنا وافقت بس عايزك تجيلى النهارده نحدد ميعاد كتب الكتاب قبل ما اسافر اعمل العمليه
اسر..انت بتتكلم بجد هتسافر تعمل العمليه
مالك..ايوه بتكلم بجد يالا تعالى بقى مستنيك
اسر..مسافه السكه واكون عندك
انهى اسر مكالمته مع مالك واتصل باسيا
اسيا..ايوه قولى ايه الاخبار
اسر ..باركيلى يا توامى رنا وافقت وانا جاى عندكم دلوقتى علشان احدد ميعاد كتب الكتاب
اسيا..الف مبروك يا اسر اخير هتبقى عريس يا حبيبي
اسر..الله يبارك فيكى يا قلبى
اتصل مجدى بمالك يعلمه بما توصل له
مالك..ايوه يا مجدى وصلت لايه
مجدى..اولا المستشفى فى هامبورج فى المانيا وهى مش عمليه واحده عمليتين هتعمل الاولى وبعدين هتعمل علاج طبيعى وبعد شهر هتعمل التانيه والتانيه اللى هتحدد اذا حضرتك هتقدر تمشى تانى ولا لاوبعدها برده حضرتك هتعمل علاج طبيعى يعنى حضرتك هتقعد فى المانيا شهرين
مالك..تمام شوفلى الاجراءات ايه واتفق مع المستشفى وجهز اجراءات السفر
مجدى..حاضر يا مالك بيه
بعد قليل حضر اسر واعطاه مالك التوكيل لكى يدير املاكه واتفق معه على ان يتم كتب الكتاب بعد بكرة
فى مساء اليوم التالى يوم كتب كتاب منه وفارس
فى منزل اللواءتوفيق
حضر كلا من احمد وزوجته وابنته ملك واياد وحضر بعض الجيران واصحاب اللواء توفيق
ارتدت منه فستان من اللون الاحمر القانى به فصوص من اللون الابيض وارتدت حجاب من اللون الافوايت
ملك..الله اكبر عروره زى القمر
منه..عروره ايه بس اسمها عروسه الله ېخرب بيتك
ملك..هتخربيه ليه بس انا كده هسيبه كمان 10ايام يرضيكى ابويا وامى يعيشوا فى الشارع
منه..فصلتينى ابعدى عنى دلوقتى انا مش طايقه نفسي
ملك..ليه بس يا عرورة
منه..انتى مش شايفه فارس مبيبصش ناحيتى خالص
ملك..ازاى يعنى عايزاه يقعد يسبلك بعنيه قدام الناس
منه..لا بس انا ملاحظه من ساعه التاتش اللى حصل بيننا اخر مرة وهو مش بيكلمنى خالص
ملك..احكيلى يمكن اقدر اساعدك
حكت لها منه اخر موقف بينهما
ملك..وانتى كلمتيه بالطريقه دى ليه
منه..كنت فاكراه هيتجوزنى شفقه
ملك..انتى مجنونه شفقه ايه بس انتى بتفكرى ازاى بس يا منه
منه..طيب قوليلى اعمل ايه
ملك..انتى حاولتى تعتذرى منه
منه..الصراحه لا
ملك..يالهوووووى اۏلع فى نفسي منك يعنى عرفتى انه عايز يتجوزك علشان بيحبك وانتى محاولتيش تعتذرى منه ولا مرة
منه..اللى حصل بقى
ملك..طيب انتى حاسه باى حاجه ناحيته
منه..مش عارفه بس انا بنجذب لاسلوبه وطريقه كلامه وعايزاه ييجى علطول البيت عندنا
ملك..يا مسهل ده اسمه اعجاب وده بدايه الحب ونصيحه منى حاولى تعتذرى منه مع ان اعتذارك هيبقى متاخر اوى
دخلت ايلا عندهم
ايلا ..يالا يا بنات علشان كتب الكتاب
نزلت منه وملك وتم عقد القران
احتضن توفيق ابنته
توفيق..الف مبروك يا منه
منه..الله يبارك فيك يا بابا
فارس..مبروك يا منه وقبلها من جبهتها
منه..الله يبارك فيك
احمد..بقولك اين يا توفيق فرح ملك بعد 10ايام والقاعه محجوزه ايه رايك نعمل فرح منه وفارس معاهم ونبلغ القاعه يعملوا ترتيباتهم على كده
توفيق..وليه الاستعجال ده بس
احمد..استعجال ايه بس يا راجل خلينا نفرح بقى كفايه الغم اللى كنا فيه
توفيق..وانا موافق رايك ايه يا فارس انت ومنه
فارس..موافق يا عمى وانا شقتى جاهزه
توفيق..ماشي وانتى يا منه
منه..اللى حضرتك تشوفه يا بابا
توفيق..يبقى على خيره الله الفرح بعد 10 ايام
ملك وهى تحتضن منه ..مبروك يا حبيبتى فرحنا انا وانتى فى يوم واحد دى اسيا هتفرح اوى
احمد..نستاذن احنا بقى يالا يا جماعه
توفيق..لسه بدرى يا جماعه
احمد..كفايه كده علشان العرسان يقعدوا مع بعض شويه
غادر الجميع وبقيت منه وفارس وتوفيق
فارس..عن اذنك يا عمى لازم امشي بكرة اول يوم ليا فى الشغل
توفيق استنى يابنى اقعد شويه
فارس ..معلش يا عمى لازم امشي مش عايز اروح اول يوم متاخر
توفيق..ماشي يا فارس
غادر فارس وحزنت منه ولاحظ توفيق ذلك
توفيق..متزعليش يا منه هو اكيد متضايق من المره اللى فاتت
منه..وازعل ليه هو حر يقعد او يمشي ميهمنيش
توفيق..انا داخل انام اعملوا اللى انتوا عايزينه انتوا اعند من بعض فعلا ما جمع الا ماوفق
فى الصباح
فى فيلا مالك السعيد
اسيا..رنا انا هروح الكليه احضر النهارده واشوف ايه اللى ناقصنى
رنا..ماشي يا اسيا وانا هرتب امورى علشان بكرة
صعدت اسيا الى مالك
اسيا..دكتور مالك انا رايحه الكليه اشوف اللى ناقصنى انا جيت علشان اقولك علشان متقولش انى شايفاك زى الكرسي اللى انت قاعد عليه زى ما انت قولت المرة اللى فاتت ونزلت دون ان تسمع رده
مالك..سامحينى
متابعة القراءة
