الشيطان المتملك -الفصل السادس عشر الجزء الثاني

الفصل السادس عشر الجزء الثاني
في إحدى النوادي....
جففت ميرهان وجهها و رقبتها من العرق بعد أن ظلت حوالي ساعتين تقوم بتمارينها الرياضية المعتادة... نزعت سماعة الاغاني من أذنيها ثم نزلت من على آلة المشي و إتجهت نحو كرسي في جانب القاعة لتجلس عليه لترتاح قليلا من الوقت قبل أن تتجه إلى أحد الحمامات لتغير ملابسها الرياضية إلى أخرى مناسبة....

بعد حوالي نصف ساعة إتجهت إلى مقهى النادي لتناول مشروبا ما... إنتبهت إلى وجود صديقتها سيدرا و التي كانت تدخن سيجارتها و ملامح الضيق بادية على وجهها....
ميرهان و هي تجلس على الكرسي المقابل مالك يا بنتي وشك بيقول إن في مصېبة حصلت....
سيدرا بضيق يعني انت مش عارفة إن شاهين الألفي إتجوز إمبارح
مدت ميرهان يدها لتناول سېجارة من العلبة الفاخرة الموجودة على الطاولة و هي تقول عارفة.... و هو أصلا في حد في مصر معرفش بالخبر داه... دي كل السوشيال ميديا و الأخبار مقلوبة على الفرح الخرافي اللي عمله إمبارح....
صمتت قليلا لتشعل السېجارة و تنفث دخانها پغضب ثم تكمل و إلا مراته...بنت المحظوظة لفت عليه و وقعته واحدة زيها إزاي قدرت توقع شاهين الألفي أنا مش قادرة أفهم.... انا حتى عمري ماشفتها قبل كده هي عرفته إزاي....
سيدرا مفيش حد يعرف غير إنها طالبة في كلية الهندسة...يعني هما الاثنين في نفس المجال...
ميرهان باستدراك صح هو كمان بيشتغل في مجال الهندسة و المباني...بس هي كده تبقى أصغر منه بكثير....
سيدرا و هي تقلب شفتيها بسخريةو لو...واحد زي شاهين داه مفيش بنت تقدر ترفضه و بعدين الفرق بينهم يعتبر عادي عشرة او إحداشر سنة مش كثير... مافي ياما بنات بيتجوزوا رجالة كبار في السن علشان الفلوس إنت ناسية سالي صحبتها اللي متجوزة فاروق بيه صاحب ابوكي....داه أكبر منها بأكثر من خمسة و عشرين سنة...و بيري و كارمن و كثير غيرهم...كله يهون علشان الفلوس يا قلبي.
ميرهان بتذكرأيوا عندك حق بس أنا حتجنن داه انا كنت خلاص حوقعه لولا الغبي فريد....
سيدرا بضحك فريد.... ما أنا قلتلك إنه صايع و مفيش