عشقي الابدي

كام سنه بحاول اخدها جاتلى وفى المانيا وبأمتيازات مكنتش احلم بيها كمان . 
شهقت اسيا بفرح وهى تضع يدها على فمها فهى تعلم كم انتظر خالد تلك الفرصه وكم اجتهد ودرس من اجلها خرج صوتها ملئ بالسعاده 
خالد انت مش متخيل انا فرحت بالخبر ده ازاى .. مبروووك .. انت تستاهل كل خير .. وان شاء الله ربنا يوفقك وتتفوق فيها وتتعين هناك كمان .
كان وجهه مشرق من السعاده فى تلك اللحظه وهو يرى سعادتها وتحمسها من اجله تنحنح قليلا لتنقيه حنجرته ثم عاود حديثه مره اخرى  
انا مبسوط انك اتبسطتى بالخبر ده وحماسك ده يخلينى أتشجع واتكلم فى الموضوع اللى كنت جاى عشانه . لم تعطى اسيا اى رد فعل وانتظرت ان يكمل حديثه فأكمل مسرعا وقد عاد إلى توتره مره اخرى 
اسيا انا لازم اخلص ورقى فى خلال اسبوعين تلاته بالكتير وأكون هناك وغالبا انا هسافر هناك ومش هرجع انتى عارفه ان الفرصه دى مستنيها من زمان وبصراحه انا عايز استقر قبل ما اسافر احنا نعرف بعض من سنين وانتى عارفه حبى لاسو قد ايه 
مسح جبهته مره اخرى ثم اكمل حديثه 
اسيا بصى بأختصار وبصراحه انا عايز اتجوزك.
حبست اسيا انفاسها من اثر الصدمه فأخر شئ كانت تتوقعه هو ان يعرض عليها خالد الزواج انه صديقها منذ سنوات وهى تحبه ولكن ليس اكثر من حب اخوى! كان ينتظر اجابتها بلهفه فخرج صوتها ضعيفا ولكن ثابتا 
خالد هجاوبك بنفس الصراحه اللى كلمتنى بيها .. انا مش بفكر فى الجواز تانى .. لا دلوقتى ولا بعدين .. انت عارف قيمتك عندى وعارف انى بحبك زى اخويا بالظبط .. بس اسفه مقدرش اقبل عرضك .. اكيد هيجى يوم تقابل فيه حبك الحقيقى وهتعيش معاها بسعاده انا متاكده من ده زى مانا متاكده ان مش انا الشخص ده .
كان ينظر إليها پصدمه وخيبه الامل باديه على وجهه وملامحه اما صوته فخرج حزينا متقطعا
اسيا من فضلك فكرى كويس انا مش طالب منك رد دلوقتى .. خدى وقتك بالراحه وردى عليا.
هزت رأسها بحزم وخرج صوتها هذه المره قويا 
صدقنى يا خالد ده قرارى الاخير مش مستعده انى أخوض تجربه الجواز مره تانيه .. ومش انا الانسانه اللى تقدر تسعدك وبتمنى ان قرارى ده ميأثرش على علاقتنا سوا .. انا هنسى طلبك وكلامنا ده كأنه محصلش وياريت انت كمان تنساه . 
خالد بأسى يعنى مفيش اى امل .
اسيا معتذره اسفه بس ده قرارى النهائى .
نظرإليها بحزن شديد ثم استأذن للخروج فرحبت على الفور فهى تشعر بالتوتر يزداد مع كل ثانيه تمر وتريد التخلص من ذلك الوضع المحرج فى اقرب وقت سارت معه حتى الباب مودعه ثم اغلقت الباب خلفه ببطء وأسندت راسها عليه بتعب تريد حقا نسيان ذلك العرض والحزن الذى تسببت به له .
كانت اسيا لاتزال مستنده براسها على الباب عندما رن جرس منزلها مره اخرى فأدارت مقبض الباب ببطء تفتحه متوقعه عوده خالد ولكن لصډمتها كان مراد هو الزائر تلك المره وقفت تنظر إليه ببلاهه دون رد فعل فسارع يسالها بقلق وهو يرى شحوب وجهها 
اسيا.. انتى كويسه اسيا تعبانه او حاجه !. 
خرج صوتها ضعيفا متعبا
لا ابدا مفيش حاجه كلنا كويسين. 
مراد بس انتى شكلك تعبان! متاكده ان مفيش حاجه..
هزت اسيا رأسها بحزم ولكن صوتها خرج متعبا  
لا متقلقش يمكن بس مرهقه من مشوار امبارح وتلاقينى