عشق متملك الجزء الثاني

حبيت ...
اهدي يا ناجي .. خلينا ننجز في اللي احنا جينا مصر عشانه وبعد كده نسافر وناخدها معانا ومش هيبقي معاها لا حارس خاص ولا اي حد من مصر ووقتها ابقي اعمل فيها اللي انت عايزه....
ثم اكملت بنبره تعهدها جيدا مينفعش نعمل كده معاها دلوقت غير لما نتطمن علي مقصدنا .. وكمان عشان محدش يقول انك طردت واحده ست وليه يعني وهي وحيده ملهاش حد..
قتل ناجي متهكما متهيقلي مبقتش لوحدها .. كل مره بيطلع لنا حد جديد 
اشارت اليه اولفت وهي تحاول تهدئته اسمعني بس .. انت عارف مرام .. جميله وطيبه ومحترمه وبتقدرنا اوي .. وتحديدا انا .. انت عارف انها بتثق فيا ومش بترفضلي طلب .. سيبهالي بس يومين تلاته وانا ههدي الامور بينكم .. واوعدك اني هصلح كل حاجه .. وموضوع الجواز اللي هي رفضته ده انا بضمنلك انها هتوافق عليه وتقبل الجوازه ونبارك لكم قريب 
نظر اليها ناجي في شك وهو يفكر ثم سألها في اهتمام تقدري !!
تنفست اولفت الصعداء فهي تعلم انها امام معضله كبيره ولكنها ابتسمت في ثقه محاوله طمأنته انت متعرفش انا ابقي ايه بالنسبه لمرام !! ..سيبلي بس انت كل حاجه وانا بوعدك اني اقدر  

دلف عبدالله الي فيلته الخاصه به بعدما أمر شركه تنظيف كامله بتنظيفها بأكملها وتعقيمها وتطهيرها جيدا....حاملا مرام بين ذراعيه وخلفه ايمان وداليدا الذي قررا مصاحبتهم ورفضو تركها وحيده بتلك الحاله ... صعد بها عبدالله الي غرفتها او غرفتهم التي جمعت بينهم باجمل ايام ولحظات مرت بينهم منذ سنوات مضت .. وضعها عبدالله علي السرير بعنايه وحرص شديد فهي مازالت تحت تأثير المهدئ والادويه التي تناولتها في المشفي .. جلس عبدالله علي ارض الغرفه بجوار السرير وهو ينظر اليها بشوق دفين .. امسك بيدها المضمده اثر الچروح الذي تعرضت لها اثناء ارتطامها بالارض واخذ يقبلها برقه وشوق وعشق والدموع تترقق في عينيه .. مد بيديه الاخري كي يلاطف چروح وجهها الملائكي البرئ في حب وحنو وكأنه يبث مشاعره وشوقه اليها .. اصدرت مرام انينا خاڤتا وهي تتحرك ببطئ فترك عبدالله يديها حرصا من انه قد يألمها .. اغلق الباب عليها بهدوء وتوجه بصحبه ايمان وداليدا الي حجره اخري .. جلس كل منهم علي مقعد خاص .. وجهه عبدالله حديثه الي داليدا فهو لم يعرفها من قبل ولم تتح له فرصه التعرف عليها .. انا تقريبا اعرف الانسه ايمان .. لكن مين حضرتك !!
رددت داليدا بكل هدوء انا داليدا مينا .. كمان ابقي صديقه مرام وكنا ماسكين مجمع المستشفيات الخاصه بيها في الأردن والمغرب تحت رئاسه اولفت هانم وناجي بيه طبعا .. بس انا غيرهم .. انا مرام بالنسبه لي اكتر من اخت 
من أسمها وشعرها الذي من دون حجاب أدرك أنها قبطيه وليست مسلمه...نظر عبدالله الي ايمان وكانه يطلب منها تأكيد علي كلامها فأومات له ايمان بالايجاب والاطمئنان اطمن يا عبدالله بيه .. داليدا تبقي صاحبتنا 
نظرت له داليدا بتساؤل وحيره طيب دلوقت حضرتك عرفت انا مين .. ممكن تعرفني بنفسك لاني من ساعه ما جيت وانا مش فاهمه اي حاجه 
اومأ لها عبدالله وقبل ان يجيب عليها اسرعت ايمان تقطع كلامه عبدالله يبقي صاحب مجموعه الامن .. شركه الحراسات اللي هتامن مرام .. اما بالنسبه للي شفتيه بينهم فده لأنه كان يبقي خطيب مرام من سبع سنين وكان بينهم قصه حب وحصل ظروف بينهم مقدروش يكملوا مع بعض ..
نظر لها عبدالله في شك ولكنه لم يرد نفي ما اردفت به فقط لانه مازال لا يعلم هويتها جيدا.. اكد عبدالله علي حديثها الي ان يتحدث مع مرام ويفهم كل ما يدور حولها .. وجهت ايمان حديثها الي داليدا قائله داليدا .. معلش انا جيت انا وانتي هنا وسبنا دومي وتمارا هناك تلاقيهم قالبين الدنيا عشان مرام سابت البيت من غير ما تقولهم .. وكمان لما مرام تفوق هتسأل عليهم ومش بعيد تروحلهم .. فلو سمحتي روحي جيبيهم هنا لان مرام تقريبا هتفضل هنا النهارده 
تعجب عبدالله