عشق متملك

المكان وهو موجود بداخله ذلك الشعور الذي لا يضاهيه اي شعور بالعالم داخلها حين شعرت ان حياتها توقفت في بعده عنها وفرت دمعه هاربه من عينيها مسحتها بسرعه قبل ان يلحظها عبدالله ولم تعلم انه بالفعل رأها حيث انه لم يتوقف عن مراقبتها وادرك علي الفور انها تذكرت امرا سيئا في حياتها وهذا ما سبب تلك الدمعه ..
تذكرت مرام حين فتحت عيناها وجدته يقبلها فتورد خدها واخفضت رأسها وهي تبتسم في خجل داعب قلبها شعور غريب وتمنت ان يكرر ما حدث بينهم فهي بالفعل تشتاق لتلك اللمسات التي ادركت ماهيتها جيدا .. نعم تحبه بل تعشقه بل لم ولن تعرف معاني العشق سوي علي يديه هو فقط...
استدارت بجسدها تجاهه واخذت تنظر له وتتأمله في حب اعترفت به بداخلها وكم هي سعيده بل اسعد مخلوقه بالعالم لوجوده بجوارها واخذت تفكر وهي مازالت تنظر اليه انها سوف تعمل دائما علي سعادته بعد ان اصبحت شبه متأكده من حبه لها هو ايضا ولكن سوف تنتظر ف هي لا تريد ان تخطئ وتتفوه بشئ يغضبه ف علي الرغم من ذكائها الحاد لكنها مازالت لا تستطيع فهم ما يفكر به .. فقط يقودها احساساها الذي لا تملك غيره....

سمر سمر سمممممممر بقالي ساعتين بنادي عليكي مبترديش ليه ! 
قالها سيف وهو يفتح باب غرفه اخته بعد منادات كثيره دون اجابه استدارت لها سمر ومسحت دموعها سريعا والتي بالفعل لاحظها سيف فقال في حيره وحنو مالك يا سمر بټعيطي ليه ! وبقالك 3 ايام مبتخرجيش من اوضتك ليه ! في حد مزعلك 
قالت سمر في نبره حزن حاولت قدر المستطاع ان تداريها اي يا ابني مالك هو اساسا في حد يقدر يزعلني ولا اي ! 
سيف هههههه لا راجل يا بت امال مالك كده الاخت فريده بتقولي شوف اختك مالها !! 
سمر ماما بس مزوداها شويه انا كنت عادي بذاكر وانام حاسه بخمول كبير الفتره دي ومحتاجه اذاكر لانها اخر سنه انت عارف
سيف بحنان طيب يعني انتي كويسه ! 
سمر بضحك ياض اتلم بدل ما اقوم اعمل منك بطاطس محمره ..
سيف لا انتي كده زي الفل مش محتاجه حاجه الحمدلله امشي انا بقه 
سمر استني بس رايح فين ! 
نطقت بها سمر وهي ممسكه ساعد اخيها وتمنعه من النهوض والذي أجابها بتمهل ايه عايزه اي تاني ! 
قالت سمر بتردد عايزه اسألك علي حاجه بخصوص مرام
ما ان سمع سيف اسمها حتي ابتسم وجلس علي الفور تسأليني علي اي !
سمر بخبث يعني .. هو .. هو انت لسه بتحبها .. 
ليجيب سيف في ثقه وهو انا كنت بطلت اني احبها اساسا انا تقريبا مبفكرش غير فيها 
سمر بثقه اكبر وشجاعه .. ومكر طب ليه مش راضي تاخد اي خطوه لقدام في الموضوع ده 
سيف بحيره اجابها اخد خطوه لقدام ازاي اروح اقول لخالها مثلا والنبي عايز اخطب البت ولا اتجوزها وهي لسه مخلصتش ثانويه عامه انا بس مستني اما تخلص ثانويه وانا هفاتح والدي في الموضوع ده علي طول .. ثم ان خالها ده اساسا مش عارف ليه حاسس انه تنك كده ومش طايقني .. 
اشاحت سمر بناظريها بعيدا عنه وهي تبتسم بسخريه واستنكار محدثه نفسها بصوت سمعه سيف خالها !! .. خالها اه .. 
سيف سمر !! انتي اتهبلتي يا بنتي ولا ايه ! .. ماله خالها !
انتبهت سمر لحديثها فقالت مسرعه كي تنقذ نفسها لا ملوش انا بس عايزه اشوفك مبسوط وعايزاكم تقربوا من بعض اكتر هي مش بتتعود علي الناس بسرعه ف كنت بس عايزاك تحاول معاها من دلوقت عشان تقرب منك واحده واحده بحيث انك لما تيجي تتكلم في موضوع الخطوبه متمانعش ولا تتحجج بأنها مش عارفاك كويس 
قال سيف بتفكير تصدقي معاكي حق .. انا فعلا هعمل كده بس برضه مش دلوقت كل حاجه ليها وقتها انا مش عايز اخسرها .. 
ثم قاطع حديثهم نداء والده علي سيف والذي لبي النداء مسرعا بابا بينادي يا سموره .. لينا كلام تاني بعدين باااي