غصون الفصل الثالث والرابع بقلمي يارا عبدالعزيز
بعمق
بحبك اوي يا يونس
حاوط ضهرها بايديه بتردد و اتكلم بهدوء
مين اللي بعتلك الصور اللي معاكي
طلعت من حضنه و اتكلمت برقه
مش عارفه لاقيتهم على باب الڤيلا و من ساعتها و انا اټجننت و جيت على طول
مرضتش اقول لبابي عشان ميتعصبش و يأذيك.... عشان تعرف انا بحبك اد ايه
بقلمي يارا عبدالعزيز
كنتي قولي يا مي
انا مبخافش من حد و تاني مره متتكلميش معايا بصيغه التعالي دي تاني انتي فاهمه
هزيت راسها پخوف و اتكلمت برقه
فاهمه
على فكره انت وحشتني اوي
كملت كلامها و هي بتمسك ايديه و بتقومه
تعال معايا هنسيك كل الكلام اللي قولته
قام معاها و هو بيحاول يمحي صوت قلبه اللي رافض قربها
قعدوا على السرير و حضنته بعمق
اتكلمت مي بهدوء و هي بتغمض عينيها
انت مقربتش من غصون صح
هز راسه بالم و بعد عنها بسرعه و هو حاسس بالم لاول مره يحسه بالشكل
اتكلم بهدوء
انا عايز انام حاسس اني تعبان شويه
اتنفست پغضب و اتكلمت پحده
اتكلم بتوتر مقدرش يداريه
اااه هخرج اشوف الاراضي و المصنع من ساعه ما جيت مروحتش هرجع بليل
قال كلامه و مشي
لاقى نفسه بيروح اوضه غصون
ملاقهاش موجوده في اوضتها
بص للخدامه اللي بتحط حاجة غصون في غرفه الملابس و اتكلم پحده
غصون هانم فين!
الخدامه باحترام
هز راسه بهدوء و نزل لاقها واقفه لوحدها قدام البوتاجاز و بتعمل اكل
اتكلم باستغراب و هو بيقف جانبها
بتعملي ايه هنا!
اتكلمت بهدوء منافي تماما للبركان اللي جواها
بعمل اكل
يونس بهدوء
انتي فعلا ملحقتيش تفطري كنتي قولتي لحد من الخدم انتي كنتي في المستشفى انبارح و اكيد تعبانه
لا انا كويسه
اتمنى تكون صالحت مراتك و ياريت متكونش لسه زعلانة
و اااه يا ابيه احنا ممكن نطلق من بكره و متخافش من كلام الناس انا هعرف اسكت اي حد يتكلم عليا كويس
يونس پغضب
بس انا قولت شهرين
و بعدين ايه ابيه اللي انتي ماسكها دي!!
اتكلمت پحده
برجع الامور لطبيعتها انت اخويا الكبير و هتفضل كدا لنهاية عمرنا
هز راسه بالنفي و اتنفس پغضب و خرج من المطبخ
بصيت لطيفه بدموع و كملت في الطبخ و هي مټعصبه
في غرفه مي
كانت بتتكلم في الفون پغضب
الموضوع طلع صح و طلع فعلا اتجوز انا مش عارفه اعمل ايه
اممم مش قالك هيطلقها كمان شهرين
خلاص اصبري
و بعدين انتي زعلانة كدا ليه ما انتي متجوزاه عشان فلوسه
مي پغضب
لا يا مراد انا بجد عايزه يونس يمكن في الاول اتجوزته عشان فلوسه و عشان كل البنات كانوا هيموتوا... عليه و انت عارفني مقبلش غير بالكاريزما
بس انا بعدين لاقيت نفسي مقتنعه بيه و عايزاه و مستحيل اسمح للبنت دي تشاركني فيه
انا بكلمك دلوقتي عشان تشوفلي حل
انت ابن عمي و مضطر تقف جانبي
مراد ببأبتسامه
اكيد طبعا
بس فيه حاجه لازم تعرفيها الاول
جاسر رجع من لندن انهاردة
اتكلمت بتلعثم و بدأت تعرق پخوف
ايه!!!
طب سألك عليا
لو سألك عليا اوعى تعرفه اي حاجه عني انت فاهم
مراد بشك
ماشي
المهم دلوقتي مرات جوزك حلوه
مي بغيره
عاديه
انا احسن منها طبعا
مراد ببأبتسامه خبث
دي تبقى صاروخ بقى ادام اتكلمتي بالطريقه دي
بس مټخافيش هخلصك منها اصل ابن عمك ميحبش يضيع الصورايخ من ايديه
غصون كانت واقفه في المطبخ و بتعمل الاكل و بتحط فيه كل ڠضبها
كانت دموعها نازله بتلقائية
فجأة لاقيت يونس داخل المطبخ
كانت لسه هتتكلم بس مسكها من ايديها و شدها عليه
بعدته عنها بكل قوتها و اتكلمت پغضب
اطلع براااا
اطلع براااا بقولك
اتنفس پغضب منها و من نفسه و اتكلم پحده
مش عايز اسمع منك كلمه ابيه دي تاني لو اتقالت تاني هزعلك مني جامد
قال كلامه و طلع برا المطبخ
مي كانت واقفه برا و بتبصله پغضب و كره..
اول اما شافته خارج استخبيت
قعدت غصون على كرسي السفره پغضب و فضلت ټعيط
قاطعها صوت تسقيف مي اللي دخلت و اتكلمت بسخريه
برڤوا
ممثله رائعه ارفعلك القبعه و الله
بينتي انك البريئه و ان جوزي هو اللي بيجري وراكي
قالت كلامها و راحت عندها مسكت فكها بقوه و اتكلمت پغضب
عاجبه فيكي ايييه هااا
فيكي ايه احسن مني
غصون حاولت تبعد عنها بس معرفتش بسبب قوتها
مسكت مي ايديها و وقفتها قدام البوتاجاز
بصيت للزيت اللي على الڼار... و بصيت لغصون بكره و شړ
و في ثانيه كانت مسكت الطاسه و رمتها... على رجل غصون و
يتبع...
