عشقي الابدي الفصل الثالث
نظرت إليه بړعب فوجدته يرفع احدى حاجبيه ويده مازالت ممدودة فى اتجاهها مدت يدها على مضض تتلمس يده بتوجس فأخذ يدها بكلتا يده يخفيها داخلهما وضغط عليها برفق فسرت رعشه فى يدها امتدت على طول عمودها الفقرى من اثر لمسته البسيطه ابتسم بانتصار لرده فعلها تلك فسحبت يديها پعنف توجهه كلامها مره اخرى لدكتور لطارق
" لو حضرتك مش عايز منى حاجه تانى اسمحلى انزل عشان عندى حاله تحت " ..
-" لا ابدا اتفضلى انا كنت بحسب مناوبتك خلصت عشان كده طلبت منك تطلعى , بس تقدرى تتفضلى , واه يا اسيا بكره عندنا اجتماع الساعه واحده كرؤساء أقسام مع السيد مراد عشان نناقش شويه قرارات جديده حبيت أبلغك من دلوقتى ..
- هزت اسيا رأسها موافقه وهى تضيف
-" ان شاء الله وعن اذنك حضرتك " ..
كانت اسيا فى طريقها إلى الطابق الارضى عندما لمحت عائشه قادمه إليها تنظر بقلق وتتحدث بلهفه
- " انتى فين من الصبح بدور عليكى مش عارفه امسكك روحتى فين وسبتينى لوحدى ,, عندى نميمه تكفى اسبووووووع , شفتى المدير الجديد مز ازاى وانا اللى كنت فكراه قصير وبكرش , انا بقول نشد حيلنا بقى وكفايه علينا خيابه لحد كده , انا ركزت معاه واخدت بالى انه مش لابس دبله فى ايده , تفتكرى واحد زى ده متجوزش لحد دلوقتى ليه ! , ولا تفتكرى متجوز ومن الناس اياهم اللى بتخبى دبلتها استهبال !!!" ...
- " عائشه معلش انا تعبانه مش قادره اتكلم ومناوبتى كمان خلصت هتروحى معايا ولا ايه
عائشه متذمره مانتى عارفه ان النهارده النبطشيه بتاعتى , وبعدين انتى مالك من الصبح فيكى حاجه مش طبيعيه !! , فى حد ضايقك , اسو كويسه طيب ! ...
اسيا مبتسمه مټخافيش أسو كويسه وزى الفل وبتسأل عليكى كمان انا بس اللى مصدعه شويه واليوم كان مرهق ومضطره اروح دلوقتى , معلش خلينا نكمل كلامنا بكره " ..
بمجرد عبورها لباب المشفى الخارجى حتى عادت إليها كل تلك الافكار المرعبه التى تحاول تجاهلها منذ الصباح حاولت طمأنت نفسها قليلا فكل ما عليها فعله هو تجاهله وعدم التواجد معه في نفس المكان قدر الإمكان وبالطبع ألا يعرف شئ عن حياتها الخاصه وخصوصا صغيرتها..
-"انتى كويسه !!" ...
-" ملكش دعوه , وبيتهيألى ميهمكش فى حاجه اكون كويسه ولا لأ , ابعد ايديك دى عنى ومتفكرش تقرب منى ولا بأى شكل , وطول مانت بتتعامل معايا تحط بينك وبينى مسافه ..
ثم اضافت بنبره اكثر حده
-"حتى لو انت بقيت مدير عليا ده مش هيفرق معايا وصدقنى فى اقرب فرصه هتخلص من الوضع ده "
!!! ...
ثم تحركت بكبرياء مبتعده عنه توقف احدى سيارت الاجره وترمى نفسها به دون النظر خلفها لتتركه فارغا فاه يقول بتحدى بعد استعاده وعيه
-هنشوف يا اسيا هتعرفى تتخلصى من الوضع ده ازاى !!! ..
