في هويد الليل الفصل السادس عشر

باره 
دققت مسك النظر في محبسها الخاص فكان عريض بشكل كبير نوعا ما ومحفور عليه اول حرفين من اساميهم من الخارج M L ومن الداخل كتب اسمه متبوعا بياء الملكيه ليلي وكذلك في محبسه كتب من الداخل مسكي !!!!
ابتسمت بسعاده ولمعت الدموع داخل مقلتيها وهو يتناول اصبعها الصغير يلبسها فيه محبس زواجهم 
وتناولت هي المحبس خاصته والبسته اياه ثم تناولت كف يده العريضه طابعه قبله مطوله علي باطنها معبره له عن عشقها الشديد له 
تأوه ليل بخفوت اثر فعلتها التي رقص لها قلبه وجعلت الډماء الحاره تهدر داخل اوردته وضمھا داخل صدره العريض في عناق قوي ساحقا ضلوعها الصغيره بقوه شاكرا الله علي نعمه وجودها في حياته 

في اليوم التالي 
صف ليل سيارته في مكانها المعتاد امام مجموعه شركات آل مهران وترجل منها مرتديا بدله رسميه من اللون الكحلي الغامق ودار حول سيارته وقام بفتح الباب الاخر لمسك 
تعلقت في ذراعه ودلفوا سويا من البوابة الرئيسية للشركه هو بغروره وثباته المعتاد وهي برهبتها وتوترها الظاهر في رعشه يديها المتعلقه في ذراعه فهمس بالقرب من اذنها اهدي مفيش داعي لتوترك ده طول ما انا جنبك 
تعلقت انظار جميع العاملين حولهم بفضول فهم لاول مره يروا فيهم رب عملهم مصطحبا لامراة معه داخل الشركه 
مما جعل انظار كل الرجال تتعلق بها باعجاب شديد وواضح ظهر في نظراتهم نحوها مما جعل ليل يقف في وسط البهو الداخلي للشركه رامقا اياهم پحده وتحدث پغضب من بين اسنانه المطبقه مالكم سايبين شغلكم وواقفين تتفرجوا علي ايه اول مره تشوفوا رجل ومراته ولا ايه 
هتف البعض معتذرين منه ومعرببن عن مفجائتهم بهذا الخبر فتحدث ليل بنفس النبره الغاضبه وقد تحكمت به غيرته اديكوا عرفتوا الدكتوره مسك مراتي وفرحنا الشهر الجاي ان شاء الله ويالا كل واحد يلم عينه وعلي شغله واللي حصل ده مش عاوزه يتكرر تاني 
ثم تحرك ومعه مسك التي تري لاول مره شخصيته الصارمه في عمله عكس شخصيته معها !!!!! 
اغلق ليل باب مكتبه خلفه بعدموا دلفوا للداخل وكانت مسك تقف في وسط غرفه مكتيه الكبيره تتطلع الي كل ركن فيها بفضول 
اقترب منها ليل نورتي شركتك ومكتبك يا مسكي 
استدارت اليه مسك وهتفت باستغراب شركتي ومكتبي !!
اجابها ليل مؤكدا طبعا شركتك ومكتبك كل حاجه املكها ملكك يا حبيبتي 
تحدثت مسك بجديه انا متاكده من ده بس ده ما ينفيش حقيقه ان انا شريكه ليك في شركه بابا الله يرحمه يعني انا كمان صاحبه شركه زيي زيك لحد ما استلم ادارتها منك ولغايه ده ما يحصل انا ممكن اكتفي اني كل ما اجي هنا اقعد علي الكرسي ده مكانك !!!
قالتها وهي تشير بيدها الي كرسيه ثم تحركت بخطوات رشيقه وجلست علي كرسي مكتبه وتنظر اليه بتحدي واستمتاع 
ضحك ليل بخفه علي شقاوتها وتحرك بخظوات متمهله حتي وصل اليها ولف الكرسي حتي اصبحوا متقابلين وانحني بطوله المديد لمستواها وانا معنديش مانع الشركه وصاحب الشركه تحت امرك ومن ايدك دي لايدك دي انتي تأمري يا مسك هانم وانا عليا التنفيذ في الحال 
هتفت مسك طب ممكن تبعد شويه احنا في المكتب وممكن حد يدخل علينا في اي لحظه 
حرك راسه نافيا مش قادر اصل شكلك يجنن وانتي قاعده مكاني علي مكتبي