عدنان الفصل 15

ميرودش علي اتصالاتي بيه هيخلي الحج حجين
فهمي بړعب معناتو ايه الحديت ديه يا واكل ناسك انت حج ايه الي ليه عيندي
واني كت مشغول بابوي مكتش فاضي ارد علي حدي واصل
عدنان بشماته له عنديك حج البضاعه الي اتمسكت بسببك و مهايفوتهاش واصل
الجد ليه يا ولدي مالخساره علينا كلياتنا
عدنان معريفش يا جدي ايه الي في دماغه بس الاحسن اننا نجعدو وياه و نعرفو منيه ايه الي رايده مهدي مش سهل و وراه ناس تجيله و انت خابرو زين جرصته و الجبر
اړتعب فهمي كثيرا مما سيحل به من هذا المهدي
اما حسن و هارون لو بيدهم لرفعو القبعه لعدنان هذا الذئب الماكر الذي اجاد تمثيل دوره ببراعه امامهم و ايضا نفذ ما كان يريده و يتمناه و حصل علي موافقتهم باقترانه ببتوله
ولكن جعبته لم تنفذ بعد فهو حضر لهم اشياءا اخري اكثر خطوره حتي يصرف تفكيرهم عن تدبير المكائد لحبيبته
فلنري ايها الثعلب ماذا تخبأ لهم
عنايات بذهول واااااه ياااااا حزني كلت ديه حوصل واني مدرياش بحاجه
نعمات مانتي كتي عيند ابوكي ياخيتي هتدري كيف يعني
شيماء مجولكيش يا عمتي لو تشوفي ولد اخوكي و الفرحه هتفط من عيونه وهو بيجول انه هيتجوزها ولا لما جال عاشجها يلااااهوي ياما
عنايات بفرح ربنا يفرحك يا واد اخوي يستاهل ان جلبه يرتاح بعد الغلب الي شافه ويا حنان كلياتنا كنا شايفين الي بتعملو وياه وهو يا نضري عمره ما اشتكي منيها و فضل كاتم في جلبه
فوزيه اللهم امين اخيرا جلبي ارتاح من ناحيه ولدي كت ابيع عمري كلياته لجل ما أشوف لمعه عيونه دي ربنا يتمملو علي خير و يبعد عنيه ولاد الحړام
امن الجميع علي دعائها ثم قالت عنايات امال مني فينها مبيناشي
شيماء راحت حدي مريم تساعدها لجل ما تطلع الشوار الي امها محوشاهولها و يرصوه في الشنط
فوزيه بفخر حسنه دي اني ماشوفتش زييها مع ان ولدي جالها انه هيجبلها الحلو كله الا بردك صممت تطلع حاجه بتها الي عم تشتري فيها بجالها كام سنه رايده تكبر بيها جدامنا
نعمات بت اصول طول عمرها و ډمها حر
عنايات طب رني عليهم يا شيماء جوليلهم يخلصو و ياجو يجعدو ويانه شوي
ضحكت فوزيه و قالت مهينفعش يا خيتي الست حسنه بدأت شغل الحموات و منعت مريم تاجي السرايا اليومين دول لحدت الفرح لجل ما تعززها
ضحك الجميع ثم قالت نعمات و مالو حجها بتها زينه البنيته كلياتهم لازما تعززها لجل ما ولدك يعرف جيمتها
فوزيه بغيظ مضحك واااااه يا حزينه انتي كلت ديه و معاريفش جيمتها ديه حاططها تاج فوج راسه يعملكم ايه تاني عااااد
ضحكت شيماء و قالت يامري انتي كمان هتعملي شغل الحموات ياما كيف الخاله حسنه يغلبك يا اخوي انت و مرتك ههههههههه
قطع مزاحهم دخول مفيده مصفره الوجه
نظرو لها باستغراب و قامت نعمات بسؤالها مالك يام بلال وشك اصفر اكده ليه
مفيده بحزن بلال يا خيتي بجالو كام يوم مختفي من بعد الي حوصل لعدنان و ابويا الحج و طلع مالسرايا بعد ما اطمن علي واد عمه و من وجتها ماعاودش تاني
فوزيه بقلق طب اتصلي بيه
مفيده اتصلت كتير تلافونو مجفول ليل ويا نهار برن عليه و لا فيش فايده
عنايات طب مجولتيش لابوه ليه كان سأل عليه حدي مالي بيطلع وياهم
مفيده پبكاء جولتلو يا خيتي و مخدتش منيه غير البهدله جالي تلاجيه لايفلو علي واحده مالشرا.....الي بيرافجهم و جاعد عنديها
فوزيه متزعليش مني بس جلعك فيه هو الي