الشيطان المتملك الجزء الثاني
انا خاېف اوي يا ليليان
خاېف اوي من حساب ربنا و خاېف يعاقبني
بيكي إنت او بحد من ولادي.....
نزلت دموعه رغما عنه و هو يتذكر كل أفعاله
الشنيعة و التي يتمنى لو ان الزمن يعود به
قليلا إلى الوراء لما كان سيقترف كل تلك
الأخطاء و المحرمات....
ربتت ليليان على ظهره بحنان قائلة :”الحمد لله
إنك تبت و عرفتك أخطائك و اديك بتحاول تصلح من نفسك و على فكرة زي ما ربنا سبحانه و تعالي شديد العقاپ إلا أنه كمان غفور رحيم...مش لازم
نيأس ابدا من رحمته....
سمعت شهقاته الخاڤتة و إهتزاز جسده و هو
يحتضنها بكل ما لديه من قوة لكنها لم تمانع
رغم إحساسها بالاختناق.. لتهتف بمرح محاولة
التخفيف عنه:”لا إنت اكيد عاوز تنسيني الهدية الحلوة اللي إنت جبتهالي.... عاوز ترجعها صح
حرك رأسه و هو لا زال يحتضنها لتحاول
إبعاده قائلة :” طب لبسهالي عشان اشوف
حتطلع إزاي عليا...
ايهم و هو يمسح دموعه :”طبعا حتطلع
حلوة اوي... عشان إنت لابساها...
ليليان :” اوكي حنشوف....
ألبسها إياها لتتحرك نحو المرآة تحسسها بابتسامة
فرغم بساطة السلسال إلا أن كان في غاية
الرقة و الجمال....
أمالت رقبتها قليلا و على شفتيها إرتسمت
إبتسامة مطمئنة عندما أحست به يحتضنها
من الخلف مقبلا أعلى كتفها عنقها متنفسا
رائحتها بقوة :”عمري ماشفت أجمل من
كداه....ياريت لو اقدر اخبيكي في قلبي
عشان تفضلي معايا على طول و مفيش
حد غيري يشوفك...بقيت بغير عليكي
من اي حد حتى ماما و ايسم... القرد
بقى بيتعمد يبوسك قدامي...ببقى عاوز
أعلقه في السقف...
ليليان بضحك :” و يهون عليك داه لسه
بيبي صغير....
ايهم بنبرة منزعجة :” طب و الأطفال اللي
بتعالجيهم.... انا شايف إنك تقعدي في البيت
يعني عشان ترتاحي... بقالك سنين بتشتغلي
و أكيد تعبتي....
ليليان بضحك :”لا متعبتش و إلا إنت عاوز تقعد
لوحدك في المستشفى.....
أيهم باستدراك :”مستحيل...أكون موجود في مكان
إنت مش فيه طيب إنت تروحي معايا و
تفضلي طول الوقت في مكتبي...
ليليان :”مممم و حعمل إيه في مكتبك مين
غير شغل....
أيهم :” تقعدي عشاني انا.... عشان بتوحشيني
في كل دقيقة بتغيبي فيها عن عيني...قوليلي اعمل
إيه
ليليان و هي تضع يدها على يديه التين تحاصران
خصرها بتملك:”ننزل تحت عشان نفطر و نلحق
نروح الشغل...لازم نرجع بدري عشان نحضر
نفسنا للفرح بكرة...
ايهم و هو يلوي ثغره باستهزاء:” أحضر نفسي
إزاي يعني....
ليليان :”اقصد عشاني انا... عشان ألحق
أختار الفستان اللي حلبسه بكرة و كمان
بدلة ايسم.....
أيهم بغيرة :” طيب و انا مش حتختاريلي بدلتي
و إلا إنت بتهتمي بس بالقرد أيسم....
ليليان و هي تضربه على يده :” متقولش
على إبننا قرد......
ايهم :” عشان تبطلي تحبيه اكثر مني...
ليليان :” أيهم.. داه إبننا على فكرة
أيهم :”عارف بس بغير منه الله إنت مش
بتفهمي ليه.... مش عاوز حد يشغل قلبك
و عقلك غيري.... أنا حشتريله بدل كثير
و إنت إختاري منها و حشتريلك كمان الفستان
على ذوقي بس إنت إختاريلي البدلة....إيه
رأيك....
ليليان بدهشة :”على فكرة إنت مچنون....
أيهم و هو يديرها نحوه قائلا :” إنت لسه
شفتي
