الشيطان المتملك الجزء الثاني
عن والدته
و جسد رياضي ضخم و طول فارع و إبتسامة
خلابة تجعل أجمل فتاة تقع في سحره... لكنه
كمحمد شقيقه لا يحب العبث بالفتيات
و اللعب بمشاعرهن بل ينتظر حتى يجد
فتاته المناسبة التي تسلب عقله من اول
نظرة ساعتها سوف يعيش معها جميع مشاعر
الخب و العشق في الحلال....
الواد داه انا حبيته عشان كده مش هاين
عليا اسيبه سنجل وسط كوم الحبيبة اللي
مليانين الرواية إيه رأيكم مز و ربنا مش كده
الشخصية الحقيقية كرم بورسين ممثل تركي
رن هاتف أميرة فجأة مقاطعا حديثهم لټخطف
أميرة هاتفها الذي لا يفارقها مش لوحدك كلنا
كده حتى في اوقات الطعام من فوق
الطاولة لتبتسم عندما وجدت إسم صديقتها
آية لتستأذن قائلة :”دي آية حطلع برا اكلمها...
خرجت أميرة إلى الحديقة لتتحدث
مع صديقتها براحتها لكن ما إن وصلت
إلى الكرسي و جلست حتى إنقطعت
المكالمة لتعاود هي الاتصال بها..
آية بصړاخ :” ساعة عشان تردي
يا محل جزم معفن ....كنتي فين يابت
أميرة بضحك :”صباح الخير يامجنونة داه لو كنتي جوزي مكانش سألني السؤال داه...انا كنت بفطر
مع اسرتي الحبيبة و لما طلبتيني طلعت
للجنينة عشان أتكلم براحتي.....
آية :” بااااس إيه بالعة راديو.... بقلك إعترفي
و هاتي من الاخر فرح مين اللي بكرة... اصلي
لسه صاحية من النوم و لقيت رسالتك
و مفهمتش منها حاجة....
أميرة و هي تفتح مكبر الصوت و تضع الهاتف
بجانبها لتنشغل بربط خيوط حذائها الرياضي
:” على اساس المسج كان بالصيني... انا
قلتلك إن بكرة إن شاء الله فرح محمد اخويا....
آية بحزن مزيف :” أحيييييه يعني خلاص حلم الطفولة و الشباب راح و إتهد في لحظة و ابو عضلات حيتجوز.... ثم أكملت بتمثيل و كمان عاوزاني أحضر فرحه على
رأي ثامر حسني إنت قلبك قاسې اهي آهي....
أميرة و هي تقهقه على جنون صديقتها :”يابت
إتلمي الراجل كاتب كتابه من سنة و بكره
فرحه...
آية بمزاح :” فهمنا ياعم الله يسهله..... طب و أخوكي الثاني ابو عيون
تركي داه اوعي تقوليلي أن هو كمان مرتبت مرتبط و بيحب واحدة و عاوز بتجوزها...أقسم بالله لفضحك بكرة في الفرح و أقول إنك كنتي بتحبي ميشوا إبن الجيران لما كان عندك عشر سنين...
أميرة بضحك :” بقى عاوزاني أجوز أخويا
لواحدة هبلة و مچنونة زيك يا أوزعة....
آية پغضب مصطنع :” متقوليش أوزعة....
أميرة :”طب و بالنسبة لهبلة و مچنونة...
آية بلهجة فخر :” عادي..كلهم بيقولوا كده...
أميرة :”طب حتيجي
آية :” طبعا بقالي ثلاث شهور بمسح سلالم
العمارة بتاعتنا عشان ألم حق الفستان
و في الاخر ماجيش....و بعدين الكابتن
محمد داه زي أخويا الكبير يعني حاجي و ارقص و اغني كمان ....
أميرة بضحك :”مش كنتي بټعيطي من
شوية عشان حيتجوز...
آية بمزاح :” لا ياختي غيرت رأيي مبحبش المرتبطين.....أنا عاوزة المز أبو عنين ملونة أخوكي
الثاني.. و حياة عيالك اللي لسه مجوش ياشيخة
خليه يتجوزني و ابقى مرات أخوكي زي الحلوة
ام غمازات مرات اخوكي الكبير....
أميرة بمشاكسة :”بقى إنت
