الشيطان المتملك

على حيلك و لسة بتكابري
مش حنخسر حاجة لو رحنا المستشفى 
قاطعته بصړاخ إنت ليه بتخوفني منك انا
معتش قادرة أستحملك أكثر من كده قلتلك مش عاوزة اروح هو بالعافيه
زفر شاهين الهواء عدة مرات قبل أن يتمتم
بدون صوت أستغفر الله العظيم صبرني يا رب 
جلس إلى جانبها ثم جذبها نحوه ليحتضنها
بقوة رغم ممانعتها وهو يهمس في أذنها بعبارات
الأسف والعشق لتبدأ كاميليا في الهدوء تدريجيا
قبل رأسها عدة قبلات خفيفة قبل أن يسألها إحكيلي إيه اللي حصل معاكي بالتفصيل
مدت كاميليا كفها لتمسح دموعها قبل أن تستأنف
حديثها بمرارة كلهم كانوا بيبصولوا بغرابة الطلبة و
حتى الدكاترة كمان البنات اللي كنت بتكلم
معاهم زمان مي و سهيلة دي حتى شيماء دي كانت
أكثر واحدة بقعد معاها رغم إن ابوها غني و عنده
شركة صغيرة بس هي متواضعة و دايما بتتكلم
معانا انا وهبة النهاردة كانت خاېفة تقعد معايا
و مجاتش تسلم عليا إلا لما ناديتها قعدت معايا
عشر دقائق وهربت كلهم خايفين مني
عشان تجوزتك انا كنت طالعة من الكافيتيريا
بس سمعت بنتين بيتكلموا عني قالوا إني
تجوزتك عشان طمعانة في فلوسك وعشان أخرج
عيليتي من الفقر و إنت قبلت تتجوزيني عشان
أنا حلوة بس حييجي يوم وتزهق مني و
تطلقني 
شعرت بتصلب جسده و يديه التي بدأت بالضغط اكثر حول جسدها و صوت انفاسه الذي أصبح
مسموعا لشدة غضبه لتتوقف عن الحديث
قليلا وترفع عينيها نحوهه ليبتسم شاهين لها
رغم غضبه الحارق الذي يشعر به بداخله
أبعدها عنه قليلا ليحاوط وجهها بيديه
و هو يمرر إبهاميه على خديها المحمرين
قائلا بجدية عينيكي الحلوة دي مش
عاوزها تبكي بسبب حد طول ما انا عايش
بكرة حروح معاكي بنفسي للجامعة و خلي
حد يتجرأ يبصلك بصة مش مضبوطة و حياتك
عندي لكون دافنه مطرحه و البنات دي انا
حتصرف معاهم حخيليهم ييجوا لعندك و يعتذرولك
و يبوسوا رجليكي كمان إنت بس متفكريش
في حاجة غيري و خلي الباقي عليا إتسعت عينياها بړعب من تهديده لتنفي برأسها
قائلةباندفاع لالالا انا مش عايزة حاجة انا اصلا
مبقتش عاوزة اروح الكلية وهبة مش معايا حبقى
اروح لما هي تيجي انا انا كويسة صدقني
بس تعبانة شوية و داه شيئ طبيعي في حالتي 
همهم شاهين باستمتاع على كلامها قبل أن
يهتف بتعمد مالها حالتك تقصدي إيه
إبتلعت ريقها بصعوبة و هي تجيبه بتردد عشان الحمل و كده 
تحدثت بصوت خاڤت و هي تنظر للأسفل
ليقهقه هو بصخب وهو يداعب ارنبة انفها
قبل أن يتحدث بصعوبة و مالك بتقوليها
بتردد كده 
توقف عالضحك قبل أن يضمها فجأة إليه بقوة
متنهدا بصوت مسموع ليتحسس جسدها بين
يديه پخوف من فقدانها خاصة بعد ما حدث
معه تلك الليلة الكئيبة و ردة فعلها بعد
إكتشافها لخبر حملها 
أغمض عينيه ليتكلم بصوت دافئ
حنون من أحلى الحاجات اللي حصلتلي في
حياتي ولادة فادي و جوازي منك و البيبي
الجديد اللي جاي في السكة مهما قلت
و تكلمت مش حقدر أوصفلك
فرحتي مش قادر اتخيل حياتي من غيرك
عاوزك معايا في كل لحظة و كل دقيقة كل
حاجة في حياتي بقى ليها معنى و روح
انا بيكي ببقى إنسان ثاني لدرجة إني رافض
أسيبك و انا عارف و متأكد إنك بتكرهيني
و مش عاوزاني بس أنا قريب جدا
حخليكي تغيري رأيك و حتبقي تحبيني و
تعشقيني كمان وعلى فكرة و انا في المكتب
النهاردة فكرت في كذا حاجة لازم نعملهم
مع بعض و أول حاجة شهر عسل طويل جدا 
بسطت كاميليا يديها على صدره قبل أن
تتكلم بنبرة متسائلة شهر عسل
شاهين بابتسامة طبعا و مش حنرجع قبل
شهرين ثلاثة حخليكي تلفي العالم كله 
كاميليا بهمهمة طب و فادي 
شاهين بمزاح ماهو حيبقى