ارض الاڼتقام
جاي طالب القرب من حضرتك في الانسه تلا
فوزي ومش شايف ان دي حاجه صعبه وخاصه بعد طلاق بروج وجسور.
عاصي اللي انا شايفه ان ده موضوع وده موضوع تاني خالص ومش معني ان هما فشلوا في حياتهم تبقوا تعمموا التجربه علي الجميع.. انا شاريها ولو حتي كان شرطوكوا ان اخرج من بيتي وابقي في بيت منفصل انا وهي مش هيفرق معايا لان عاجلا او اجلا هيبقي ليا انا وهي بيت خاص بيها... ياريت حضرتك متأخدنيش بذنب اخويا وتفكر في الموضوع كويس
في بيت ولا فارس
خلت عزه الكل متجمعين
عزه سمعت اللي انا سمعته يا حاج
جمال خير
عزه قال المحروسه وعيلتها عاملين ليله كبيره بمناسبه طلاقها وعزمت فيه كبار البلد
جسور رمي المعلقه من ايده وقام وخرج
جمال يارب تكوني ارتاحتي لما سممتي بدنه بكلامك الماسخ
جسور راح ناحيه قصر ولاد علام ووقف بره وشاف الانوار اللي مزينه القصر والهيصه اللي حواليه وجواه فرجع بعربيته تاني وهو هيولع
اسلام ايه يا حاج الغفير قال انك عايزني والناس كتار عايزين اللي يقف معاهم
فوزي في عريس اتقدم لأختك وانا عايز اخد رأيك
اسلام مين ده
اسلام الفارسي... ده علي چثتي لو دخلت بنت تانيه من عيلتنا بيتهم تاني.
فوزي وان قولتلك انه هيعيش هو وهي لوحدهم
اسلام برضه لأ اللي اتلسع من الشوربه ينفخ في الزبادي يا حاج
فوزي بضحك وليه ناخد الزبادي بذنب الشوربه وخصوصا ان الزبادي غلبان
اسلام قصدك ايه
فوزي قصدي ان اللي هيأخد القرار في الموضوع ده هي تلا احنا يدوبك هننصحها... وكمان في عريس اتقدم لبوسي
اسلام نننننعم ودي مين اللي هيتقدملها بقي.. سبونج بوب!!
