الشيطان المتملك الجزء الثاني

النهايةفصل خاص بمحمد و نور
بعد أسبوع في إحدى جزر إيطاليا الساحرة....
نظرت نور بعبوس نحو محمد الذي كان
ينهي مكالمة هاتفية مع شقيقه أيهم الذي
يحثه على الالتحاق بهم في جزر السيشيل
ليبتسم الاخر بخفوت قائلا إيه ماله القمر
زعلان النهاردة
نور و هي تمط شفتيها بحنق لطيف عشان
الاسبوع خلص بسرعة و بكرة حنروح السيشيل

و انا عاوزة اقعد هنا....
أنهت كلامها و هي تنزل ساقيها من الاريكة
حتى تترك مكانا لمحمد ليجلس بجانبها
ما انا قلتلك ياحبيبتي إحنا حسافر و نشوف
الجو هناك و لو معجبكيش اوعدك إننا نرجع
هنا على طول .
اوي
محمد بعشق و هو يتفرس وجهها بهيام أنا
لو عليا مش عاوز اشوف اي حاجة قدامي
غيرك.. بس أيهم و ليليان كل يوم بيكلمونا
و بيزنوا علينا عشان نسافر...و انا مش
عاوز أكسر بخاطرهم.....
نور طيب بس على شرط....
محمد بضحك ربنا يستر من شروطك... إتفضلي
ياستي....
نور و هي تداعب وجنته حنفضل معاهم هناك يومين و لو معجبناش المكان هناك نرجع هنا على طول و نحاول نقنعهم ييجوا معانا... إيه رأيك .
محمد و هو يلاعب إحدى خصلات شعرها
طيب لو فرضنا إن الجو هناك و المكان
معجبكيش لو إني أشك عشان بجد السيشيل جنة على وجه الأرض و لما تشوفيها حتنسي أوروبا كلها..... قوليلي بقى نقنعهم إزاي...
نور مش عارفة بس إنت ممكن تقول لاخوك
أنا بجد عاوزة كلنا نيجي هنا .2
محمد بضحك طيب انا حقلك على خطة
لو نجحتي فيها يبقى الباقي كله سهل....
إنت تقنعي أختك بفكرتك و هي حتتكلم
مع شاهين و ساعتها كلهم حياخذو برأيه
و ييجوا على هنا خصوصا إن فادي كمان
بيحب ييجي إيطاليا كثير عشان إبتدا يتعلم
اللغة .
نور بدهشة واو...هو لحق يكمل الألماني
عشان يبتدي في الإيطالي.. بجد الولد داه
معجزة .
محمد مش إبن شاهين الألفي...داه دلوقتي
بقى بيتكلم اربع لغات غير العربي.. 2
نور اكيد تأثير كاميليا أصلها بتحب اللغات
اوي... .
محمد بمشاكسة طيب و إنت بتحبي إيه
نور و هي ترفع حاجبها بعبثلا انا الايام دي
مش بحب أي حاجة....
نظر لها محمد پصدمة تجاهلتها نور و هي تكمل
بهمس و قد أخفضت بصرها قليلا غيرك إنت ...2
محمد پصدمة اكبر ها..مش سامع ممكن
تعيدي عشان اتأكد 2
نور و هي تستجمع شجاعتها أنا..كنت عاوزة
اقلك إني آسفة عشان انا مقدرتش اكون البنت
اللي تليق بيك... البنت اللي تكافئك على تعبك
و صبرك معاها و رغم إني كنت بعاملك وحش
عشان غبية و مابفهمش بس إنت تمسكت بيا
و ميبتنيش...و آسفة بردو عشان بوزتلك أجمل
ليلة كنت بتحلم فيها عشان اوهام و أفكار عبيطة
خليتها تسيطر عليا... محمد انا عاوزة إبتدي معاك
صفحة جديدة و ننسى اللي فات كله... انا دلوقتي
مراتك و إنت ليك حقوق.....
قاطعها محمد الذي كان مسحورا بكلامها و طريقة
تحرك شفتيها الناعمتين و هي تزمهما بطريقة
عفوية لكنها كانت مغرية بالنسبة له شششش
متكمليش عشان انا مش عاوز اسمع حاجة
في الموضوع داه.. انا قلتلك قبل