ارض الاڼتقام الفصل السادس

الفصل السادس
روايه القلب وما يريد 
ارض الاڼتقام 
الحلقه السادسه 
المتصل هو انتي لما بتردي علي رقم غريب بتردي بالمياصه دي 
بروج پصدمه مياصه ! ... انت مين استني لما اقوملك بقي 
قامت وخرجت من الاوضه علشان تلا متصحاش 
بروج قولي بقي يا بتاع... انت مين 

المتصل جسور 
ابتسمت بروج ڠصب عنها.. 
بروج الله الله... هو انتوا ناويين تكوشوا علي بنات ولاد علام ولا ايه... اخوك حاطط عينه علي تلا وانت ناوي علي ايه انت كمان 
ضحك جسور ضحكه خلت الابتسامه بهتت من وشها 
جسور بتريقه انت فاكره نفسك مين علشان جسور يبصلك
وكالعاده بروج ممتازه في البرود 
بروج عندك حق انت متقدرش تبصلي والا كانت عينيك اتخزقت 
جسور يا حبيبتي بلاش الكلام الفاضي ده علشان ممكن تلاقيني قدام اوضتك دلوقتي... علشان انا لما بعوز حاجه بنفذها 
بروج متقولش حبيبتي حبك برص 
جسور الله اما طولك يا روح.. اسمعي انا عايز اقولك ايه قبل ما اعصابي تفلت... كنت عايز اقولك... 
قاطعته بروج لا استني ققل ما تقول وتعيد وتزيد... جبت رقمي منين 
جسور بثقه مش قولتلك اللي عايزه بعمله.... ومانتيش يعني السفيره عزيزه فهغلب اني اجيب رقمك 
بروج طب اخلص 
كانت بوسي معديه 
بوسي بوجي عامله ايه دلوقتي !
ضحك جسور بصوت عالي بوجي!!!!! لايقلك اوي 
غمضت عنيها وفضلت ټشتم في سرها 
بروج ما بين سنانها امشي يا بوسي امشي دلوقتي 
بوسي بتكلمي مين !..
بروج فكرت بسرعه وقررت انها تقول انها بتكلم إسلام ابن عمهم لانها عارفه ان بوسي مبتقبلهوش 
بروج إسلام
بوسي يالهوتي متقولهوش ان انا بكلمك انا همشي لأحسن ده ميشوفش وشي ولا يسمع صوتي الا لما يقولي ذاكري .... سلام 
استنت بروج لما بوسي مشيت اخلص يابني وقول انت عايز ايه في ليلتك اللي مش هتعدي دي 
جسور قصره انا هعرف ابعد اخويا عن اختك... بس انتي هتعرفي اختك عنه 
بروج بنت عمي مش اختي 
جسور بروج بالله عليكي انا عارف انكوا في بيتكوا بتقولوا علي ولاد عمكوا انهم اخواتكوا وممنوع يتقال ولا د عمي وانتي كده خلفتي قاعده من قاعدتكوا 
بروج وعارف ايه كمان 
جسور بصوت عميق اعرف ابعد مما تتخيلي 
بروج بتريقه ماشي يا ابعد مما اتخيل.. انا اقدر ابعد اختي انا كمان 
جسور قولتي اختي اهو.. علشان تعرفي اني اعرف ابعد مما تتخيلي 
بروج بغيظ قولت اللي انت عايزه... طريق السلامه 
وراحت قفلت في وشه دون مقدمات
جسور بص للموبايل وضحك برضه ده ميمنعش ان اعرف عنك. كتير وكتير اوي 
بعد يومين 
بروج لا والله وهنروح بيت اعدائنا كده عادي 
عدي خالتك مأكده عليا نحضر خطوبه اياد 
بروج اه علشان يفكروا ان احنا جايين نتخانق فېقتلونا. ونجدد سيل الډم تاني
عدي انا قربت ازهق علي اساس ان احنا هنروح لوحدينا احنا هنروح مع اياد ... وبعدين اموت واعرف سيل الډم ابتدا ازاي اصلا وخلاف العيله من الاول كان علي ايه 
رفعت بروج. كتفها ومطت شفايفها هو انا